好多謝香港救兔之家邀請我哋參加呢個新年市集領養日，屆時將會帶兩隻可以準備去新屋企嘅小朋友嘗試尋家～除此之外仲會有刺蝟課堂基本班添，仲會有即場檢查同埋滴藥添！當然我哋都好歡迎已經養咗刺蝟嘅朋友，帶自己個小朋友過嚟探我哋啦☺️
咁精彩嘅活動有興趣嘅朋友唔好錯過啦🫶🏻
🧧活動一：領養🧧
成功通過測試嘅朋友，最快set好居住環境，明天就接返屋企～
流程將會係：
1️⃣ Facebook PM我哋睇詳細領養資料
2️⃣預備好之後搵我哋直接做測試
3️⃣拍攝好打算放置刺蝟嘅地點
4️⃣可以喺本會網頁一次過挑選所有用品
5️⃣交收用品時直接接埋小朋友
領養詳情同收費可以參考呢度👇🏻
🧧活動二：即場檢查滴藥剪指甲✂️🧧
今次同過往一樣，姑娘都會在場小刺蝟做身體檢查、剪指甲同滴藥，想帶刺蝟行市集影靚相同埋身體檢查嘅朋友就唔好錯過啦～記得同我哋講聲預約咗先啦！詳情同收費可以參考呢度👇🏻https://www.hedgehoghk.com/aboutpreventskinparasit
🧧活動二：刺蝟課堂（基本班）🧧
資深珍禽異獸獸醫護士教授有關刺蝟的基本認知，整個課堂45分鐘，30分鐘的基本理論，和15分鐘的接觸時間。
講解內容：
1. 刺蝟協會、講者簡介
2. 什麼是刺蝟（品種、男女分別、體型、性格）
3. 如何選擇健康刺蝟
4.刺蝟的飼養環境（基本概念）
5.如何接觸刺蝟
費用：市集（Free）
課堂（$250一位，2位攤位限定9折）
🦔四人成班，少於四人將會退款或安排下次課堂
👉參與者可詢問一切有關飼養，及有關課程內容的問題。
👉本課堂將 不牽涉所有醫療範疇，這是基本課堂，不設獸醫護士諮詢時段，包括回答醫療問題和所有醫療諮詢。不論人數，一個課堂內醫療問題只設一個，其他恕不回答。
👉有興趣了解更多關於刺蝟的醫療問題，歡迎參與《刺蝟課程- 醫療班》
👉有興趣探討自己刺蝟的醫療問題，歡迎攜帶自己的刺蝟約見護士諮詢、體檢後再討論。
⚠️課堂只設45分鐘，超時每15分鐘每人$50
⚠️所有動物接觸過程皆有可能受傷，包括咬傷或是刺傷，風險低但有可能發生，參與者需自行承擔，本會恕不負責。
🦔有興趣參與者可到Facebook專頁「香港刺蝟協會HongKong Hedgehog Association」與我們聯絡
🦔請於兩星期前預約，付款作實，方便安排場地
⛈⛈⛈黃色紅色黑色暴雨警告、3號風球或以上活動將會延期，因為以上天氣根本不適合小動物外出
Comments