尋晚凌晨2:00收到一個令人好嬲嘅求助
求助人話佢朋友隻刺蝟斷咗腳，
打算抌去垃圾站，所以佢哋就接收咗先
刺蝟一直都好怕人，所以都睇唔到肚仔個傷口，直至到佢尋晚打開，就見到原來有個範圍好大嘅傷口係腹部位置
睇完片段之後，其實我哋都好直接同求助人講，呢類型嘅問題要全身麻醉，
睇吓牽涉範圍有幾大，
如果情況嚴重嘅話其實需要安樂死
目測傷口範圍唔止好大，仲要好深，
已經去到肌肉層嘅位置，甚至乎更深層
傷口邊緣已經出現癒合狀況，
即係代表呢個咁大嘅傷口喺佢身上已經一段時間，估計最少五日
體型瘦削，下半身可見已經瘦到凹陷
右腳腳掌冇晒腳趾
根據求助人講話前主人表示隻腳已經斷左一段時間，我哋唔清楚佢嘅意思係右腳腳掌定係其他部份仍然有骨折嘅狀況，
但無論係邊一樣都好，其實呢件事都好變態
點解一隻動物可以係呢啲狀況連少少止痛都冇
呢個係一個文明而且醫療發達嘅社會，
亦都有好似我哋呢啲咁嘅機構
我哋直程講到明一定會接收，
而且接收嘅過程我哋亦都冇批判，
事後亦都冇公開資料公審，
對人類來講應該真係完全冇負擔，
因為我哋一心淨係諗住啲動物
無論係人為定係意外，
冇一隻動物應該承受咁嘅痛苦，
前主人你呢啲叫做虐畜，係好撚仆街嘅行為
我心入邊係真心祈求你可以俾人賣去柬埔寨
因為你不單止完全冇盡過主人嘅責任，出咗問題之後完全冇盡力去醫治，更加冇去求助，仲想將一個活生生嘅生命咁樣抌去垃圾房
我哋今日再問求助人狀況嘅時候，佢表示今天早上佢已經離開咗😢
小朋友，你終於可以解脫啦
係人類唔啱，係人類唔好
好對唔住，係呢個世界上，尤其是香港，
動物權益基本上係垃圾
而我哋呢啲愛護動物嘅人，
亦都未能夠爬上高位改變現況
創辦協會，其中一個原因就係想減少呢類嘅狀況
仲有呢啲事情發生，即係可能代表我哋未夠努力
又或者做得未夠好，知名度未夠高等等
唔好講話改變制度，連幫助現況都做得未夠好
所以平日拜託大家like同share我哋個page
其實真係會有幫助，
因為就算遺棄，都總比呢啲狀況好
最後，希望小朋友你喺彩虹橋嗰邊玩得開開心心，你喺地球上面嘅日子辛苦啦🥺🥺🥺
Comments