活到老學到老！我哋遇上左有史以來年紀最大嘅領養者🫶🏻證明咗年紀其實唔係一個問題！
婆婆唔單只成功喺Facebook搵到我哋，
睇咗幾本書之後以75分高分通過我哋測試，
仲成功準備一個合格嘅setting！
終於喺我哋度領養到小朋友啦！
成件事真係令人好感動🥹證明咗只要有心領養，無論係科技、年紀、任何限制都唔係一個問題！
出到嚟珍珠雖然仲有少少驚青，但係見到婆婆抱住佢一啲都唔怕🥹🥹仲笑咪咪話佢好得意🥹🥹
我哋同婆婆講，珍珠有少少肥，要留意體重啊！佢喺我哋呢度好短時間， 減唔切肥啊！
婆婆笑咪咪話，唔緊要啦，我都係肥婆婆，我哋全家都肥，所以佢咁樣就好好😆😆😆肥珠仔
好sweet 🥹🥹🥹🧡
另外一個婆婆都同我哋講，佢尋晚睇多咗一次本書先過嚟接佢🥹🥹🥹試問呢個誠意有幾多個人做到🥹🥹個交收真係做到我想喊，感動到喊🥹
兩個婆婆仲做足準備，連外出盒都帶咗一個大嘅一個細嘅，擔心佢運送途中會迫得滯唔舒服🥹
天啊，實在太sweet啦😭😭😭
P.S (1)
所以，呢個領養程序真係阿婆都搞得掂啊😏
你唔係唔得啊😏😏😏
唔好再同我哋坳分數啦😏😏
阿婆睇完書嚟考試都合格啊😏
P.S(2)
每一次見到呢啲，內心都會即刻好鼓舞
見到動物幸福，主人打從心底入邊嘅笑容
令到自己覺得，消耗咗咁多人生、犧牲咗咁多睡眠同埋休息，原來真係唔係白費嘅☺️
同日仲有另外一單令人好感動嘅好人好事，今晚再同大家分享（未完待續……）
Commentaires