事情總係一次比一次震撼，
係一個連綿嘅下雨天☔️我哋接收到緊急求助，
話喺街上面執到一隻刺蝟，目測有皮膚病。
我哋安排咗第二日即刻接手，一接到嘅時候其實義工都嚇咗一跳，佢嘅整體狀況差到一個點
皮膚上面過萬隻寄生蟲，細心睇吓全塊面白色嗰啲點點都係
沖涼之後仍然見到啲蟲郁吓郁吓，
大範圍面積甩刺、耳仔受到感染，有膿流出來，年紀好大，估計超過三歲半
脫水，牙齒狀態都唔係太好。
見到真係令人好心酸⋯⋯
我哋對於佢冇好大期望，只係希望佢仲生存到
如果配合藥物治療仍然冇好轉，我哋甚至考慮會俾佢走，因為勉強真係無幸福。
小朋友，我唔敢叫你加油，只係太過辛苦嘅話你就走啦，呢度好安全，溫暖又有嘢食，我哋最緊要都係想你舒舒服服。
Hozzászólások