其實大家養動物之前可唔可以真係同屋企人傾清楚？最近我哋接收嘅遺棄一係就係屋企人唔俾、老婆唔俾、一係就係出國讀書屋企人唔肯幫手照顧，乜3-6年嘅承諾真係咁難遵守咩？
愛屋及烏，堅持承諾，都係一啲好基本嘅美德
你今日教識、慫恿、支持你屋企人遺棄，佢對於堅持嘅理念會減退，遇到事情嘅時候會更加容易放棄，乜咁樣真係好咩？
可能佢冇同你溝通清楚就拎咗返嚟，
可能佢一開始話自己會負責，
但係的而且確你都可以表達俾佢睇你愛屋及烏，就算遇到自己唔係太喜歡嘅事情，因為愛佢嘅緣故你都會接受同埋接納，而且對於生命負責到底，呢個先係正確嘅教育，
在此感謝我父母將基本正確嘅價值觀灌輸咗俾我，希望各位父母、屋企人亦都可以嘗試以呢個觀念出發，你得到既將會比你呢刻付出的更多。
小朋友係2歲男仔叫麻糬，會喺我哋度隔離觀察，之後再陸續安排去新屋企
嚟緊可以去新屋企嘅小朋友會陸續更新，有興趣領養嘅朋友唔好錯過啦～
想領養嘅話可以參考以下連結
然後再喺Facebook PM我哋義工相關資訊
再次感謝支持領養
#領養者需年滿21歲，有足夠經濟能力，要知道一生病看獸醫的費用所費不貲
Comments