今個月已經係第二次有朋友見到旺角有刺蝟！
姑娘收到訊息之後已經立即前往銀城後行搜索，但是半小時仍搜索不果
如果已經有朋友執到，麻煩講聲我哋知，等我哋都有個安心
如果有機會前往該區嘅朋友可以幫吓眼睇睇，如果收到已經執起咗嘅訊息，我哋會盡快通知大家！
喺呢度再次呼籲大家，如果見到有刺蝟走失或遊蕩，建議首先搵紙箱、紙袋、布袋又或者任何可以裝起刺蝟嘅容器首先裝起佢，小動物有腳識得周圍走，義工到達嘅時候好有機會佢已經離開咗嗰個位置！
而且義工本身都有正常工作（需要通宵工作時日夜會和大家的顛倒不同），工作時候未必可以立刻回覆訊息，大家不用太驚慌或者着急，
如果需要一段時間後才能交給義工（數小時至一兩天），大家可以在家安排
1.一個高30厘米的紙皮箱或是膠箱，總之通風而且可以防止刺蝟逃走就可以
2.到附近寵物店買一小包幼貓糧當作臨時糧食
3.用一隻豉油碟充當水兜
當然大家亦可以致電愛護動物協會接收，一般半小時至1小時內他們也會到達
希望今次快點知道小刺蝟的下落
Comments