依一兩個月我地刺協接收左超過10隻刺刺—— 有精靈嘅， 有臭面嘅， 仲有幾隻係有皮膚病同腫瘤嘅。
首先，義工已經淘盡心力去照顧佢地，所以近排回覆大家可能慢啲，望大家見諒。
另外，有關棄養（尤其是係年紀比較大嘅刺蝟），衷心希望大家諗清楚——因為刺刺本身都唔太長命，希望大家都對自己嘅寵物負返基本責任，唔好有咩事就輕易放棄佢地🙇♂️🙇♂️
如果已經超過4歲，請大家陪埋佢剩餘的時間； 如果加上身體有疾病（特別是一些不能根治的問題），係無辦法嘅情況之下，無論係講緊唔想佢辛苦，定係自己金錢負擔唔到，其實可以選擇安樂死（其實都係$1000左右），而並非遺棄到本會。
以動物福利及生活質素為首要， 我地見佢地情況太差都係會送佢走。 佢哋生來應該享受快樂嘅生活， 何苦受困於一個求生不得求死不能嘅局面呢。
本會所有義工一向不吝嗇為刺蝟及刺友提供各種協助，義工出錢出力出時間——最近有跟本會接觸的朋友都知道，最近有個義工左手做完手術，休息兩天後都忍痛復工幫手出黎接棄刺，寄宿等，實在十分值得欣賞。
義工愛心係無限，可惜資源真係有限。
要營運本會，義工們本身已經係貼錢出黎，莫講話早前因為皮膚病就棄養的刺蝟我們已經承受了相當的醫療費用，再要突然負擔起刺刺安樂死的費用，實在有雪上加霜的感覺——牠已經陪了你這麼久，可以請你盡力為他到底嗎？ 只差一點點你就不用棄養了， 只差一點點你就可以陪他到最後了
養了，就絕不棄養。 當然本會成立其中一個原因就是接收棄養， 明白各人都有難處， 但是上述兩例都是幾千元便可以處理的問題——明白未必每位都可以拿出幾千元， 但是要是未能拿出， 一開始又何以養寵物？ 養一個生命就一定會生病， 不能抱存僥倖的心態， 生病了就應該要去看醫生， 不是無限延遲醫治，直至動物死亡——有事直接死了其實不太慘，求生不得而有求死不能的狀況，是多麼可憐，你知道嗎？ 小至看醫生，大至安樂死， 會影響生命的決定請大家慎重考慮。
最後， 為舒緩這陣子的棄養潮已經爆滿的本會， 經過我地義工們討論， 我們決定提出「老有所歸」計劃， 希望令更多年紀大的刺刺都可以最後有一個歸屬。 刺蝟的生命很有限，鑒於年紀大生病的風險亦相對提高，為鼓勵領養年紀比較大的刺蝟，如果領養超過3歲嘅刺刺，領養費會由$600減至$300（未包含$50的預防疥癬藥費）。
有興趣領養的朋友，可以PM本會， 著名「老有所歸」計劃， 建議 - 有飼養經驗 -測試75分或以上 -經濟上有強力支援 的朋友可以考慮一下，幫年紀大嘅刺蝟有一個最後嘅依歸，想領養就inbox 我地啦😸
再次感謝你支持
Facebook 原文:
コメント