領養前我哋需要做一個領養測試，
確保領養者對飼養刺蝟有基本認知
基本上係於約10分鐘內回答10條基本選擇題
首先要感謝年終眾多朋友嘅支持 我哋每日都有為數不少嘅朋友搵義工做測試
第一個測驗嘅分數除咗係想知道你識幾多， 更加代表你比左幾多心機去了解佢哋， 個熱情同個誠意係幾多。
領養者嘅態度亦都係我哋嘅首要選擇之一 我哋想被遺棄嘅刺蝟去到最好嘅主人手上， 我諗大家會理解，亦都希望大家去理解。
由於問題的確十分基本， 低於70分的朋友基本上都不作考慮 要知道機會是留俾有準備嘅人
如果未能達標嘅朋友， 抱歉我哋亦唔放心將刺蝟交俾你， 因為你並沒有做充分嘅準備去迎接一個生命
被遺棄嘅刺蝟本身背景已經好慘 我哋希望佢可以去到一個有充分準備嘅家庭
新手唔係藉口，我哋有65%嘅主人都係新手 而佢哋亦都通過左測試 要知道測試都只係紙上談兵 實戰上會有更加多嘅唔同問題，又點面對呢
對於第一次嘅失敗我哋會提供第二次機會
有意領養者可以係一個月後再搵我地 到時會做多一個進深嘅測試， 如果都唔成功嘅話，真係好抱歉 我哋未能夠為你地提供一個機會，亦希望你哋諒解， 我哋只係希望為佢哋提供一個最好嘅選擇
領養，亦都係一種緣份，請隨緣啦
Facebook 原文:
預備好